Find us on Facebook
Hot Topics

被欺騙懷第四胎, 張新悅大呻老公拍拍籮柚就走 2018年1月30日

張新悅宣布再度有喜,懷有第四胎,今胎她大搞新意思,與老公楊哲安、三名女兒一家人拍MV,大呻做大肚婆及人母的辛酸,更爆老公安全措施唔安全,以為三個夠晒數,原來被老公「呃咗」!

張新悅(Nicola)於2007年與楊哲安拉埋天窗,十年間先後誕下三名女兒,正當Nicola以為甩身,專心事業時,昨日她於社交平台宣布懷有第四胎,更上載由她主唱及以舊歌作新詞的MV《一不小心2018大肚婆》,還一家人齊齊出鏡,她大呻做大肚婆及人母的辛酸,認真搞笑!她接受本報電話訪問表示已懷孕三個幾月,未知BB性別,最重要身體健康,她說:「我想低調嘅,但發現出街見到自己又肥又肚凸凸,大家又眼望望,自己接受唔到咪宣布喜訊。」

Nicola直言知道有B時很不開心,覺得被老公欺騙:「安全措施一向都係佢負責,我對藥物敏感,唔食藥(避孕),咁證明佢措施都唔安全。當知道再次懷孕都好唔開心,但都要接受,我有煩惱,因為係我生同我湊,大家都係拍拍籮柚就走,我諗住甩身,我係事業女性想重出江湖,但個天覺得我係應該留喺屋企湊仔!」Nicola又說首歌是有感而發作出,當知道有BB就有好多靈感:「你試吓生第4個,大女9歲、細女3歲幾,我人生呢十年照顧BB,冇得玩,病又唔敢食藥,咖啡又唔飲得,生完又擔心BB會病,餵奶餵到胸痛,呢啲片段不斷浮現,所以大肚婆同媽媽會有共鳴。」她又上載了大女Lucy的生日照,十分溫馨。

 

Comments (0)

Write a comment

Your Name:


Your Review: Note: HTML is not translated!

Rating: Bad           Good

Enter the code in the box below:



FB Comments
Information

Copyright © 2018 點娛樂
All rights reserved.